Níu starfsmenn eiga 25 ára starfsaldursafmæli

Níu starfsmenn Kópavogsbæjar áttu 25 ára starfsaldursafmæli á árinu 2012. Þeir voru af því tilefni heiðraðir við hátíðlega athöfn í bæjarstjórnarsal Kópavogsbæjar í gær. Bæjarstjóri, Ármann Kr. Ólafsson, þakkaði þeim farsæl störf hjá bænum og afhenti þeim úr með áletruðum upphafsstöfum sínum.

Bærinn hefur vaxið og dafnað á þessum 25 árum. Íbúafjöldinn í lok árs 1987 var til dæmis 15.037 en í dag eru Kópavogsúar ríflega 31 þúsund.

Af þeim níu sem heiðraðir voru í gær eru fimm starfsmenn leikskóla, þar af þrír leikskólakennarar og tveir leiðbeinendur. Má af því tilefni nefna að sjö leikskólar voru í bænum á árinu 1987 en nú eru þeir orðnir 20. Barnafjöldinn í leikskólum bæjarins hefur á þessum tíma þrefaldast.

Samstarfsmenn fögnuðu þessum áfanga með nímenningunum og eftir ávarp bæjastjóra var hrópað ferfalt húrra fyrir þeim. Að því búnu var boðið upp á léttar veitingar.

Starfsmennirnir eru:

• Stella Gunnarsdóttir – Leikskólinn Kópasteinn
• Össur Geirsson – Skólahljómsveit Kópavogs
• Helga Einarsdóttir – Leikskólinn Álfaheiði
• Hjördís Jónsdóttir – Leikskólinn Álfaheiði
• Þórður Clausen Þórðarson - Bæjarskrifstofur
• Sigurbjörg Hauksdóttir - Bæjarskrifstofur
• Sigþrúður Bergsdóttir – Velferðarsvið
• Kristín Sigrún Halldórsdóttir – Leikskólinn Fífusalir
• Anna Björg Thorsteinsson– Leikskólinn Álfatún