- Íbúar
- Leikskólaaldur Dagforeldrar
- Grunnskólaaldur
- Ungmenni
- Okkar Kópavogur
- Heimili
- Fatlað fólk
- Eldra fólk
- Félagsleg úrræði
- Stuðningur við börn og fjölskyldur þeirra
- Þjónustuver og neyðarsímar
- Mannlíf
- Umhverfi
- Skipulagsmál
- Byggingarmál
- Sorp og endurvinnsla
- Samgöngur
- Útivist
- Heilbrigðiseftirlit og dýrahald
- Vatnsveita
- Umhverfisviðurkenningar
- Vorhreinsun
- Garðlönd
- Kópavogshöfn
- Miðbær í mótun
- Stjórnsýsla
- Umsóknir og eyðublöð
Ný menningarstefna í Kópavogsbæ
13.05.2015
Menningarhúsin í Kópavogi.
Ný menningarstefna Kópavogsbæjar var samþykkt einróma á fundi bæjarstjórnar þriðjudaginn 12. maí. Stefnan nær til alls lista- og menningarstarfs á vegum bæjarins og þar með til menningarhúsanna: Salarins, Gerðarsafns, Bókasafns Kópavogs, Náttúrufræðistofu Kópavogs, Héraðsskjalasafns Kópavogs og Tónlistarsafns Íslands. Stefnan var unnin í víðtæku samráði við flesta sem hafa með einum eða öðrum hætti komið að lista- og menningarstarfi í bænum undanfarin ár.
Með stefnunni er verið að skerpa sýn og hlutverk menningarstarfs í bænum, stuðla að markvissari ákvörðunum og betri nýtingu fjármagns.
Í stefnunni segir meðal annars að tilgangur menningarstarfs sé að auka lífsgæði bæjarbúa, styrkja bæjarbrag og laða að nýja íbúa, en einnig innlenda sem erlenda gesti.
Í henni er lögð áhersla á nýta enn betur tækifærin sem felast í nálægð ólíkra menningarhúsa í Kópavogi, aukinn sýnileika, listir í almenningsrýmum, og markvissari menningarfræðslu. Markmiðin eru ekki bara vel skilgreind heldur einnig leiðirnar að þeim.
Karen E. Halldórsdóttir, formaður lista- og menningarráðs: „Það er vel við hæfi að samþykkja nýja menningarstefnu í 60 ára afmælisviku Kópavogsbæjar. Með því erum við að hnykkja á því, á þessum tímamótum, að við viljum að í Kópavogi sé áfram frjór jarðvegur sem stuðli að listsköpun sem hægt verði að miðla áfram með sýningum, viðburðum, tækninýjungum og fræðslu, allan ársins hring.“
Ármann Kr. Ólafsson, bæjarstjóri: „Það var mikil framsýni að reisa tónlistarhús, listasafn, bókasafn og náttúrufræðistofu á einu og sama svæðinu í Kópavogi. Nálægð þessara húsa býr til óteljandi tækifæri sem við eigum að nýta okkur enn betur eins og fram kemur í menningarstefnunni. Verði markmiðum hennar náð munu menningarhúsin verða enn sterkari kjarni á miðju höfuðborgarsvæðisins þar sem hægt verður að njóta ólíkra listgreinar og fræða á einum og sama staðnum.“
Menningarhátíð í Kópavogi verður haldinn með fjölbreyttri dagskrá í menningarhúsum bæjarins nú á laugardaginn 16. maí. Á sama verða kynntar skemmtilegar breytingar á svæðinu umhverfis húsin. Myndlistafélag Kópavogs tekur einnig þátt í menningardeginum með samsýningum og opnum vinnustofum úti um allan bæ. Ókeypis er inn á alla viðburði. Nánari upplýsingar um dagskrá má finna á kopavogur.is.
á síðu Heim
