Okkar Kópavogur: Nýtt útivistarsvæði

Ein lengsta aparóla á höfuðborgarsvæðinu, leiktæki, grill og þrektæki er að finna á nýju útivistarsvæði Kópavogsmegin í Fossvogsdal, neðan Víðigrundar.

Útivistarsvæðið var kosið af íbúum Kópavogs í verkefinu Okkar Kópavogur og er hugmyndin komin frá íbúa bæjarins.

Aparólan var vígð í dag af nemendum 1. -4. bekkjar í Snælandsskóla sem fengu liðsinni Ármanns Kr. Ólafssonar bæjarstjóra og Theodóru S. Þorsteinsdóttur formanns bæjarráðs við verkið.

Nú stendur yfir hugmyndasöfnun í íbúalýðræðisverkefninu Okkar Kópavogur í annað sinn. Í fyrra voru 34 verkefni kosin áfram af Kópavogsbúum. Þau hafa langflest verið framkvæmd. Meðal þess sem íbúar völdu er ný og betrumbætt leik- og útivitstarsvæði víða um bæinn, endurbætur á skólalóðum, stígar og umferðaöryggismál.

Hér má setja inn hugmyndir að verkefnum