Skáklistin blómstrar í Álfhólsskóla

08.04.2014 Fréttir
Skáksveit Álfhólsskóla.
Skáksveit Álfhólsskóla.

Álfhólsskóli varð í öðru sæti á Íslandsmóti grunnskólasveita sem fram fór í Stórutjarnaskóla í Þingeyjarsveit um liðna helgi. Skólinn heldur því áfram að vinna til verðlauna í skákkeppnum en í lok mars varð Álfhólsskóli Íslandsmeistari barnaskólasveita 2014.

Það var þriðja árið í röð sem Álfhólsskóli verður Íslandsmeistari barnaskólasveita. Mikið og gott utanumhald er um skákiðkun og kennslu í skólanum. Metnaðarfullir skákmenn, sterkur foreldrahópur og þjálfarinn Lenka Ptacniková hafa gert það að verkum að Álfhólsskóli hefur sópað til sín verðlaunum.

Aftur í yfirlit