Tilnefningar óskast

Jafnréttis- og mannréttindaráð Kópavogsbæjar óskar eftir tilnefningum vegna árlegrar jafnréttis- og mannréttindaviðurkenningar.

Jafnréttis- og mannréttindaráð Kópavogs veitir ár hvert viðurkenningu til stofnunar, einstaklings, félags eða fyrirtækis sem hafa unnið að jafnréttis- og mannréttindamálum í Kópavogi. Til greina koma aðilar sem sinnt hafa jafnréttis- og mannréttindamálum á sviði tómstunda, menningar, fræðslu, velferðar, umhverfis og þess háttar verkefnum. Viðurkenningin verður nú veitt í sextánda sinn.

Tilnefningu til viðurkenningarinnar ásamt rökstuðningi, skal senda til jafnréttisráðgjafa Kópavogs í tölvupósti á netfangið: asakr@kopavogur.is

Frestur er til og með 22. janúar 2018