Vel heppnuð plasthreinsun

Vinnuskólinn í Kópavogi og starfsmenn Þjónustumiðstöðvar bæjarins, alls á sjöunda hundrað manns hreinsuðu plast og rusl í Kópavogi á plasthreinsunardeginum "Kópavogur gegn plasti" sem haldinn var 13. júní. Auk Vinnuskólans og Þjónustumiðstöðvarinnar veitti Blái herinn liðsauka við hreinsun strandlengju bæjarins. Þá tóku margir leikskólar þátt í hreinsuninni sem haldin var í fyrsta sinn í ár.

Átakið var sett formlega af bæjarstjóra Kópavogs, Ármanni Kr. Ólafssyni, við Hörðuvallaskóla í Kópavogi í upphafi vinnudags. 

Mikil vinnugleði ríkti á plasthreinsunardeginum og mat aðstandenda að mjög vel hafi tekist til.