Yfirmaður velferðarmála í Kópavogi í 30 ár

Aðalsteinn Sigfússon sviðsstjóri velferðarsviðs Kópavogsbæjar hefur nú látið af störfum eftir 30 ára starfsferil hjá Kópavogsbæ, en hann var ráðinn til starfsins árið 1991. Þá var íbúafjöldi í Kópavogi 17 þúsund en er í dag 39 þúsund.

Eins og gefur að skilja hefur velferðarþjónusta þróast og vaxið bæði að umfangi og fjölbreytileika á þessu tímabili og endurspeglast það í ársskýrslum sem Aðalsteinn hafði veg og vanda af að gefa út á hverju ári um þjónustu velferðarsviðs.  

Á þessum tímamótum þakkar Kópavogsbær Aðalsteini fyrir vel unnin störf.