Fréttir & tilkynningar

Kópavogsbær óskar eftir tillögum að nýjum götunöfnum í Smiðjuhverfi en bærinn og Hagsmunasamtök fyrirtækja í Smiðjuhverfi hafa tekið höndum saman og efna nú til samkeppni um ný götunöfn í Smiðjuhverfi.

Ríflega 400 börn í Kópavogi sem eru fædd árið 2009 og hefja skólagöngu í haust sækja nú dægradvöl í skólum sínum. Hugmyndin er að skapa samfellu milli skólastiga, börnin útskrifast úr leikskóla fyrir sumarfrí en fá tvær vikur í sumardvöl dægradvalar í skólunum sínum. Markmiðið Kópavogsbæjar með því að bjóða upp á þjónustuna er að stuðla að vellíðan, öryggi og jákvæðri aðlögun barnanna að umhverfi grunnskólanna áður en kennsla hefst. Meðal þess sem bryddað hefur verið upp á í vikunni er sameiginleg Heiðmerkurferð skólabarnanna.

Kópavogsbær varð í dag aðili að verkefninu Heilsueflandi samfélag. Ármann Kr. Ólafsson bæjarstjóri Kópavogs, Theodóra S. Þorsteinsdóttir formaður bæjarráðs og Birgir Jakobsson landlæknir rituðu undir samstarfssamning en verkefnið miðar að því að efla lýðheilsu og lífsgæði íbúa Kópavogsbæjar með markvissum hætti.

Ný alþjóðleg listahátíð Cycle Music and Art Festival fer fram í Kópavogi dagana 13. til 16. ágúst. Um hundrað listamenn, innlendir sem erlendir, taka þátt eða eru með verk á hátíðinni sem sýnd verða víða um bæ.

Ný alþjóðleg listahátíð Cycle Music and Art Festival fer fram í Kópavogi dagana 13. til 16. ágúst. Um hundrað listamenn, innlendir sem erlendir, taka þátt eða eru með verk á hátíðinni sem sýnd verða víða um bæ.

Gerðarsafn býður í sumargleði og afhjúpun á útiverki Þórdísar Erlu Zoëga fimmtudaginn 23. júlí kl. 17.

Um tvöþúsund þátttakendur eru á Símamótinu í fótbolta sem fer fram í Kópavogsdalnum. Síminn og Breiðablik standa að mótinu sem er fjölmennasta opna fótboltamót landsins. Mótið er fyrir stúlkur í fimmta til sjöunda flokki.

Þrír gæsluvellir verða opnir í sumar á tímabilinu 8. júlí til 5. ágúst. Gæsluvellirnir eru Holtsvöllur við Borgarholtsbraut, betur þekktur sem Stelluróló, Lækjavöllur við Lækjarsmára og Hvammsvöllur við Hvammsveg. Gæsluvellirnir verða opnir frá klukkan 10 til 12 og svo frá 13.30 til 16.30. 100 krónu gjald er greitt fyrir barn við komu þess.

16 verkefni fengu styrk til að starfa undir hatti Skapandi sumarstarfa hjá Kópavogsbæ í ár en verkefnin eru skipuð 26 metnaðarfullum ungmennum á aldrinum 18 til 25 ára. Skapandi sumarstörf í Kópavogi fagna 10 ára afmæli í ár og hafa margir listamenn tekið sín fyrstu skref í Skapandi sumarstörfum í Kópavogi. Má þar nefna tónlistarmennina Ásgeir Trausta, Ingibjörgu Friðriksdóttur og Sölku Sól Eyfeld, sem og tölvuleikjahönnuði Auru's Awakening.

Kópavogsbær hefur hlotið styrk frá Erasmus+ að upphæð fimm milljónir króna og verður styrkurinn nýttur í þágu innleiðingar spjaldtölva í skólastarfi. Ætlunin er að styrkurinn verði nýttur til náms- og kynnisferðar til Odder í Danmörku, en þar hafa spjaldtölvur verið nýttar í skólastarfi með góðum árangri um nokkurra ára skeið.