Lokun annarrar akreinar Kársnesbrautar 2. sept. frá kl. 18:00

Lokað verður fyrir umferð á akrein til austurs á Kársnesbraut milli Sæbólshverfis og Urðarbrautar mánudaginn 2. september frá kl. 18:00 og fram eftir kvöldi vegna breytinga á yfirborðsmerkingum. Umferð til vesturs verður óbreytt en hámarkshraði lækkaður úr 40 km/klst. í 30 km/klst. þar sem vinna stendur yfir.

Lokun akreinarinnar verður skipt í tvennt, frá kl. 18:00 verður akreininni lokað á milli Sæbólshverfis og Hábrautar og áætlað að opnað verði fyrir umferð á bilinu 19:30 til 20:30. Milli 19:30 og 20:30 verður akreininni á milli Hábrautar og Urðarbrautar lokað og eru verklok áætluð á milli 22:00 og 23:00.

Athugið að erfitt er að tímasetja áfangaskiptin nákvæmlega og verður því að taka tímasetningunum með fyrirvara.

Hjáleiðir eru m.a. um Urðarbraut og Borgarholtsbraut og Hábraut og Hamraborg.

Meðfylgjandi eru yfirlitsmyndir með merkingum.