Lýðheilsugöngur í Kópavogi í september

Fjórar lýðheilsugöngur verða í Kópavogi í september. Göngurnar eru hluti af afmælishátíð Ferðafélags Íslands og eru haldnar í samstarfi við Kópavogsbæ. Félagið stendur fyrir lýðheilsugöngum um land allt í september. Göngurnar marka jafnframt upphaf lýðheilsutengdra viðburða í bæjarfélaginu sem haldnir verða í vetur í tengslum við nýsamþykkta lýðheilsustefnu.

Dagskráin í Kópavogi er sem hér segir:

06. september
Yndisgarður og álfabyggð - álfabyggðir við Álfhól og Víghól (líka menjar ísaldarjökluls), yndisgarðurinn í Fossvogi, gengið um Snæland, Heiðavallasvæðið og sagt frá herbúðunum (Camp Catherine) og skoðað hvar Digranesbærinn stóð (skilti með sögulegum fróðleik).

Fararstjóri: Sigríður Lóa Jónsdóttir

13. september
Gengið um eystri hluta Vesturbæjarins og svo undir Hafnarfjarðarveginn allt að Digraneskirkju.  Þema væri saga, e.t.v. með vellíðunar og náttúruívafi.

Fararstjórar: Erna Jóna og Sæmundur

20. september
Gengið um Kópavogsdalinn.  Þemað er  náttúra-saga-lýðheilsa.
Gangan hefst  hjá tjörninni við  Hafnarfjarðarveg,  gengið upp Kópavogsdalinn og tekinn hringur til baka.

Fararstjóri: Friðrik Baldursson

27.september
Guðmundurlundur og Vatnsendaheiði. Saga útivistarsvæðisins, náttúra og jarðsaga svæðisins rakin.  Gengið er um svæðið eftir skipulögðum stígum og skógarlundum.

Fararstjórar: Bragi Mikaelsson og Gísli Bragason

 Upphafsstaður: Allar göngur hefjast klukkan 18.00 á bílastæði við MK v/Digranesveg.​