Áhrif verkfalls Eflingar

Verkfall starfsfólks Eflingar hófst á hádegi þriðjudaginn 5. maí.  Hér má sjá samantekt á áhrifum þess á Kópavogsbæ. Upplýsingar verða uppfærðar.

Menntasvið

Í fjórum skólum er allt ræstingarfólk í Eflingu og húsnæði þeirra lokað fyrir nemendur miðvikudaginn 6. maí ef ekki semst. Þetta eru: Kársnesskóli, Álfhólsskóli, Kópavogsskóli, Salaskóli.

Verkfallið hefur einnig áhrif á starfsemi flestra hinna grunnskóla í Kópavogi, en áhrifin eru mismikil og birtast með misjöfnum hætti. 

 Upplýsingar um skólasund í þessum skólum gefnar út síðar.

Leikskólar með allt ræstingarstarfsfólk í Eflingu: Furugrund, Fífusalir og Rjúpnahæð og svo Kópasteinn að hluta (tvö ræstingarsvæði og annað þeirra er ræst af verktaka)

Þessir skólar verða opnir þriðjudaginn 5.maí. Nánari upplýsingar verða gefnar út síðar.

Lokanir og aðrar takmarkanir á starfi grunn- og leikskóla verða kynntar foreldrum og forráðamönnum í hverjum og einum skóla.

Stjórnsýslusvið

Menningarhús eru lokuð eins og verið hefur í samkomubanni, Bókasafn Kópavogs tekur við bókum og afhendir bækur hluta úr degi.

Þjónustuver Bæjarskrifstofa er lokað en þjónustu er sinnt, rafrænt og símleiðis. Húsnæði Bæjarskrifstofu að Digranesvegi 1 og Hamraborg 8 er lokað. 

Umhverfissvið

Eftirfarandi þjónusta á vegum umhverfissviðs mun skerðast í verkfalli Eflingar:

• Umhirða á og við stofnanir bæjarins þ.m.t. við skóla og leikskóla
• Viðhald og uppsetning á umferðarmerkjum og skiltum
• Almenn þjónusta við stofnanir bæjarins
• Hreinsun niðurfalla og losun á stíflum á og í gatnakerfi bæjarins
• Útkeyrsla og viðgerðir á sorptunnum til fyrirtækja og einkaaðila
• Starfsemi Bílastæðasjóðs Kópavogs
• Starfssemi Vatnsveitu Kópavogs, neyðarþjónustu verður einungis sinnt
• Umhirða trjágróðurs
• Viðgerðir á leiktækjum við leikskóla

Til upplýsingar: Eftirfarandi þjónusta mun ekki skerðast þar sem henni er sinnt af verktökum:

Malbiksframkvæmdir, götusópun,  veg- og götumerkingar, hirðing heimilissorp og garðaúrgangs, grassláttur

Velferðarsvið

36 félagsmenn Eflingar sem sinna heimaþjónustu fara í ótímabundið verkfall. Sótt verður um undanþágu fyrir einn starfsmann heimaþjónustu sem mun sinna brýnustu þjónustu til skjólstæðinga en almenn aðstoð við þrif og heimilishald fellur niður. Þjónusta í Dvöl, athvarfi fyrir geðfatla fellur einnig niður.

Sótt verður um undanþágu vegna starfsmanna í sértækri heimaþjónustu, sem sinna nauðsynlegum daglegum stuðningi við einstaklinga í heimahúsum.

Einnig verður sótt um undanþágu fyrir félagsmenn Eflingar sem starfa í Roðasölum 1, sem er hjúkrunarsambýli og sérhæfð dagþjálfun fyrir aldraða með heilabilun og þá sem starfa í búsetuúrræði fyrir geðfatlaða í Hörðukór.