Stóri plokkdagurinn 2026

Kópavogsbær tekur þátt í árlega hreinsunarátakinu Stóra plokkdeginum sem haldinn er sunnudaginn 26.apríl.

Stóri plokkdagurinn er árlegur viðburður sem er skipulagður af Félagsskapnum Plokk á Íslandi í samstarfi við Rótarýhreyfinguna á Íslandi.

Hægt verður að nálgast ruslapoka og einnota hanska á eftirfarandi stöðum:

• Þjónustumiðstöð Askalind 5
  • Föstudagur 24. apríl milli 8:00 og 14:00
  • Laugardagur 25. apríl milli 10:00 og 14:00
• Þjónustuver Digranesvegi 1
  • Föstudagur 24. apríl milli 8:00 og 14:00
• Þjónustuver Vallakór 4
  • Föstudagur 24. apríl milli 8:00 og 13:00

Plokkarar eru hvattir til að senda má póst á Þjónustumiðstöð Kópavogs til að tilkynna staðsetningu poka, sem verða sóttir eftir helgi á netfangið thjonustumidstod (hja) kopavogur.is. Einnig er hægt að fara með það sem safnast beint í endurvinnslustöðvar SORPU.

PLOKKTRIXIN

Hvað þarf að hafa?

• Glæra plastpoka - best er að hafa tvo poka, setja plastið í einn og allt annað í hinn.
• Snæri eða bensli til að loka plastpokunum svo ekkert fjúki úr þeim þegar búið er að fylla þá.
• Plokktangir eru ágætar, ekki nauðsynlegar.

Hvernig erum við útbúin?

• Klæðum okkur eftir aðstæðum. Gott er að hafa hanska og jafnvel plokktangir.
• Öryggisvesti eru ákjósanleg en skilda ef við erum að plokka meðfram vegum eða við götur.

Hvað á að gera við þar sem safnast?

• Senda tölvupóst á netfang thjonustumidstod (hja) kopavogur.is með staðsetningu pokanna sem verða sóttir eftir helgi.
• Fara með plokkafraksturinn á næstu endurvinnslustöð SORPU.

Frekari upplýsingar um Stóra plokkdaginn er að finna á plokk.is