- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Námskeið fyrir grunnskólakennara í Kópavogi voru haldin í sjöunda skipti í ár en þau hafa verið haldin síðan 2017 í þessu formi. Dagskráin stendur yfir í þrjá daga frá 9:00 – 16:00 en síðasti dagur námskeiðanna er mánudagur 14. ágúst. Grunnskóladeildin stendur líka fyrir mánudagsfræðslu fyrir kennara þar sem haldin eru styttri námskeið og kynningar yfir veturinn.
Endurmenntun er í öndvegi í upphafi nýs skólaárs og fjölmörg námskeið voru í boði fyrir kennara. Þau voru 19 talsins en meðal þeirra námskeiða sem voru í boði voru námskeið um gildi listgreinakennslu, inngildingu í kennslustofunni, atferlismótandi aðferðir í skólastarfi og námskeið er varðar börn, sorg og áföll.
Í Kópavogi eru tíu grunnskólar og tveir sjálfstætt starfandi skólar. Grunnskólarnir eru Álfhólsskóli, Hörðuvallaskóli, Kóraskóli, Kársnesskóli, Kópavogsskóli, Lindaskóli, Salaskóli, Smáraskóli, Snælandsskóli og Vatnsendaskóli.
Skólasetning hjá grunnskólum í Kópavogi verður miðvikudaginn 23. ágúst.