- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Stjórn Gerplu heiðraði keppendur á Norðurlandamóti í áhaldafimleikum við hátíðlega viðhöfn í vikunni. Ásdís Kristjánsdóttir, bæjarstjóri Kópavogs, ávarpaði gesti þegar glæsilegum árangri liðsins var fagnað í fimleikasalnum Versölum og færði félaginu blóm.
Norðurlandamótið í áhaldafimleikum fór að þessu sinni fram í Osló í Noregi. Gerpla átti fimm keppendur í karlalandsliðinu, þrjá í kvennalandsliðinu, tvo í unglingalandsliði kvenna, einn í unglingalandsliði karla og komu allir keppendur Gerplu heim með verðlaunapening.
Kvennalandsliðið sigraði liðakeppnina, karlalandsliðið varð í 3 sæti, unglingalandslið stúlkna í 2 sæti og unglingalandslið drengja í 3 sæti. Hildur Maja Guðmundsdóttir gerði sér lítið fyrir og sigraði fjölþrautina en þess má geta að Ísland hefur ekki unnið Norðurlandatitil í fjölþraut síðan 2006. Hildur varð einnig Norðurlandameistari í áhaldafimleikum kvenna, stökki og á jafnvægisslá. Thelma Aðalsteinsdóttir varð í 2 sæti í fjölþraut, og nældi sér í Norðurlandameistaratitil í gólfæfingum. Valgarð Reinharðsson átti glæsilegt mót og hann náði að sigra gólfæfingar líkt og Thelma.
Glæsilegur árangur, til hamingju.