- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Kópavogsbær hlaut nýverið tilnefningu frá VIRK fyrir framlag sitt í því að bjóða einstaklingum atvinnutengingu í gegnum VIRK. Kópavogsbær er eina sveitarfélagið sem hlaut tilnefningu að þessu sinni og er bærinn stoltur af framlagi sínu og góðu samstarfi við VIRK.
"Við lítum á það sem hluta af samfélagslegri ábyrgð okkar að bjóða einstaklingum að leggja sitt af mörkum á vinnumarkaði í gegnum atvinnutengingu VIRK og erum þakklát fyrir farsælt og gott samstarf, sem við vonum að haldi áfram að vaxa og dafna í framtíðinni," segir Sigríður Þrúður Stefánsdóttir mannauðsstjóri.
Mannauðsteymið fékk heiðurinn af því að taka við fallegum blómvendi fyrir hönd starfsstöðvanna sem hafa boðið einstaklingum störf í gegnum atvinnutengingu VIRK. Á ársfundi VIRK, þann 29. apríl næstkomandi, verður upplýst um hvaða fyrirtæki hljóta síðan verðlaunin.
VIRK er starfsendurhæfingarsjóður sem eflir starfsgetu einstaklinga með heilsubrest sem stefna að aukinni þátttöku á vinnumarkaði.