Vel heppnuð Vetrarhátíð

08.02.2023 Fréttir
Verkið Tillit sem varpað var á Kópavogskirkju á Vetrarhátíð er eftir Þórönnu Björnsdóttur.
Verkið Tillit sem varpað var á Kópavogskirkju á Vetrarhátíð er eftir Þórönnu Björnsdóttur.

Á þriðja þúsund gesta sóttu Vetrarhátíð í Kópavogi heim. Fjölbreytta og skemmtilega dagskrá var að finna í öllum menningarhúsunum og víðar í Kópavogi. Á vetrarhátíðinni var m.a. boðið upp á suðræna tónlist í Salnum með Los Bomboneros, Skólahljómsveit Kópavogs og Kraftgalla, Silent diskó, blöðrusmiðju og bókaspjall með Sigríði Hagalín og Jóni Kalman á Bókasafni Kópavogs, Vísindasmiðju HÍ og Sjónarspil ÞYKJÓ á Náttúrufræðistofu, sólarprentsmiðju og söngleiðsögn í Gerðarsafni og margt fleira.

Hápunktur hátíðarinnar var án efa vörpun á ljóslistaverki Þórönnu Björnsdóttur á austurhlið Kópavogskirkju. Í myndbandsverkinu Tillit vann Þóranna úr nýjum upptökum af augum og augnatilliti tæplega hundrað Kópavogsbúa.

Aftur í yfirlit