Garðlönd á sex stöðum í bænum

Kópavogsbær hefur um langt árabil leigt út matjurtagarða, svokölluð garðlönd, og er sú starfsemi á vegum garðyrkjustjóra.

Garðlönd eru í boði á eftirfarandi stöðum: 

• neðan Kjarrhólma í austanverðum Fossvogsdal, í trjásafninu
• neðan Víðigrundar í vestanverðum Fossvogsdal, við skólagarða
• við Kópavogstún, neðan Sunnuhlíðar
• við Núpalind, ofan við leikskólann Núp
• við Arnarnesveg, á mótum Sala- og Kórahverfis.
• við Guðmundarlund.

Garðlöndin verða afhent plægð og merkt um miðjan maí, ef veður leyfir, og eins og áður verður á staðnum komið fyrir skiltum sem sýna legu garða og lista yfir leigjendur. Á öllum stöðunum er aðgangur að vatni. Jafnframt verða verkfæri, ssvo sem  skóflur, gafflar, hrífur, vatnskönnur og hjólbörur, á staðnum fyrstu vikurnar, þó ekki sé hægt að tryggja að alltaf verði nóg fyrir alla.

Garðlöndin við Guðmundarlund eru hugsuð fyrir þá sem vilja einnig rækta fjölært grænmeti, til dæmis rabarbara, graslauk, skessujurt og fleira. Þau eru því ekki tætt (plægð) á hverju vori eins og hin garðlöndin, heldur verða leigjendur sjálfir að sjá um að stinga þau upp á vorin.

Hægt er að sækja um garðland í íbúagátt.