Íþróttahátíð Kópavogs

02.01.2020 Fréttir
Íþróttafólki sem skarar framúr í Kópavogi eru veittar viðurkenningar á íþróttahátíð bæjarins.
Íþróttafólki sem skarar framúr í Kópavogi eru veittar viðurkenningar á íþróttahátíð bæjarins.

Íþróttafólk ársins 2019 í Kópavogi verður kynnt á íþróttahátíð Kópavogs föstudaginn 3. janúar kl. 17.00. Hátíðin er haldin í Samskipahöllinni, reiðhöll Spretts og stendur til kl. 19.00.

Íþróttakarl og íþróttakona Kópavogs eru valin úr hópi 10 íþróttamanna sem íþróttaráð Kópavogs valdi úr innsendum tilnefningum frá íþróttafélögum. Íbúar gátu tekið þátt í kosningu um íþrótttakarl og íþróttakonu ársins en kosningu lauk 31. desember.

Í ár voru þessi tilnefnd: Agnes Sto-Tuuha, fimleikakona úr Gerplu; Aron Snær Júlíusson, kylfingur úr Golfklúbbi Kópavogs og Garðabæjar; Berglind Björg Þorvaldsdóttir, knattspyrnukona úr Breiðabliki, Hulda Clara Gestsdóttir, kylfingur úr Golfklúbbi Kópavogs og Garðabæjar; Ingvar Ómarsson, hjólreiðamaður úr Breiðablik, Ívar Ragnarsson, skotfimimaður úr Skotíþróttafélagi Kópavog; Patrik Viggó Vilbergsson, sundmaður úr Breiðablik; Ragna Sigríður Ragnarsdóttir, sundkona úr Breiðablik; Svana Katla Þorsteinsdóttir, karatekona úr Breiðablik og Valgard Reinhardsson, fimleikamaður úr Gerplu. 

Íþróttakarl og íþróttakona Kópavogs fá í sinn hlut farandbikar og eignarbikar auk peningaverðlauna frá Kópavogsbæ.

Fjölmargar viðurkenningar eru svo veittar til yngri iðkenda og þá fær flokkur ársins viðurkenningu.

Aftur í yfirlit