Minniháttar umferðartafir

Fimmtudaginn 5. júlí er stefnt að því að malbika akreinar á Reykjanesbraut í Kópavogi.

Byrjað verður á ytri akrein, frá beygjurampi við Bæjarlind að beygjurampi við Lindir. Næst verður farið í innri akrein, frá vegi við Hnoðraholtsbraut og að beygjurampi við Lindir.

Þrengt verður í eina akrein á meðan framkvæmdum stendur og búast má við lítilsháttar umferðartöfum. 
Áætlað er að framkvæmdirnar standi yfir milli kl. 09:00 til kl. 22:00.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.