Nýr forseti bæjarstjórnar

Fyrsti fundur bæjarstjórnar Kópavogs eftir sumarfrí fer fram þriðjudaginn 22.ágúst. Nýr forseti bæjarstjórnar er Elísabet B. Sveinsdóttir sem tekur við keflinu af Sigrúnu Huldu Jónsdóttur sem var forseti bæjarstjórnar 2022-2023.

Elísabet tekur sæti í bæjarstjórn og kemur þar í stað Hannesar Steindórssonar sem lauk störfum í bæjarstjórn í júní. Bergljót Kristinsdóttir var kosin 1. varaforseti og 2. varaforseti er Sigrún Hulda Jónsdóttir.

Þá er nýr formaður umhverfis- og samgöngunefndar Hanna Carla Jóhannsdóttir og Hildur Karen Sveinbjarnardóttir tekur sæti Elísabetar í íþróttaráði.