Plokkdagur Vinnuskólans í Kópavogi

Frá Plokkdeginum 2019.
Frá Plokkdeginum 2019.

Vinnuskóli Kópavogs mun efna til árlegs plokkdags þriðjudaginn 7. júlí.

Þetta er í fjórða sinn sem efnt er til hreinsunardags í Vinnuskólanum en að þessu sinni er dagurinn haldinn í samvinnu við Vinnuskólann í Hafnarfirði.

Starfmenn Vinnuskólans verða á ferðinni og tína rusl um allan bæ en aldrei hafa fleiri unglingar verið í Vinnuskóla Kópavogs en í ár.

Vinnuskólinn hvetur alla Kópavogsbúa til að taka þátt í að hreinsa bæinn og fjarlægja allt plast í görðum, sem og annars staðar í umhverfinu. Hægt verður að hringja í Vinnuskólann og tilkynna staðsetningu afrakstur dagsins í síma 4419080 sem verður hirtur upp af starfsmönnum.