Samráð um menningarstefnu

Menningarstefna er nú í íbúasamráði
Menningarstefna er nú í íbúasamráði

Unnið er að endurskoðun menningarstefnu Kópavogsbæjar. Nú leitar bærinn eftir áliti íbúa á drögum stefnunnar og hvernig íbúar telja best að framfylgja henni. Samráðsgátt er opin til 26.apríl.

Stefnuáherslur í menningarstefnunni eru þrjár. Menning fyrir alla er fyrsta stefnuáherslan, en hún snýst um að lögð er áhersla á að menningarstarf sé aðgengilegt öllum bæjarbúum.

Faglegt starf er stefnuáhersla tvö, en hún snýst um að standa vörð um sérstöðu og faglegt starf menningarhúsa bæjarins.

Víðtækt samstarf er þriðja áherslan, en í henni er áhersla á víðtækt samstarf við bæjarbúa, svið og deildir bæjarins og lista-, fræði- og vísindamenn úr ólíkum áttum.

Í samráðsgáttinni geta íbúar komið sjónarmiðum sínum á framfæri með ábendingum í hverri og einni stefnuáherslu og eru áhugasamir hvattir til að taka þátt.

Smelltu hér fyrir samráðsgátt