Vertu með í nýju markaðsafli

Um hundrað manns voru á undirbúningsfundi um atvinnumál í bæjarstjórnarsalnum fyrir jól.
Um hundrað manns voru á undirbúningsfundi um atvinnumál í bæjarstjórnarsalnum fyrir jól.

Stofnfundur Markaðsstofu Kópavogs ses. fer fram fimmtudaginn 21. febrúar kl. 12:00 í bæjarstjórnarsalnum, Fannborg 2. Markaðsstofa er nýr samstarfsvettvangur bæjarins og atvinnulífsins um ferða- og markaðsmál. Markmiðið er að sameina krafta allra þeirra sem vilja efla atvinnulífið í bænum.

Á fundinum verða kosnir þrír fulltrúar atvinnulífsins í stjórn Markaðsstofu Kópavogs til tveggja ára. Allir fundarmenn hafa kjörgengi og kosningarétt.

Markaðsstofan verður rekin með fjárframlögum frá Kópavogsbæ og þeim fyrirtækjum sem greiða ársgjald til stofnunarinnar. Ráðinn verður framkvæmdastjóri sem mun annast daglegan rekstur og koma fram fyrir hönd stofnunarinnar. Hann mun einnig halda úti sameiginlegum upplýsinga- og kynningarvef á þeirri fjölbreyttu starfsemi sem fram fer í bænum.

Fulltrúar fyrirtækja og annarra þeirra sem hagsmuna eiga að gæta eru hvattir til að mæta á stofnfundinn.