1. bekkingar í sumardvöl

Börn sem hefja skólagöngu í 1. bekk í haust eru þessa dagana í sumardvöl dægradvalanna. Í sumardvölinni kynnast börnin sínu skólaumhverfi og verða þannig öruggari þegar skólinn hefst.

Mjög góð þátttaka er í sumardvöl grunnskólanna, en stór hluti barna sem hefja nám í 1. bekk í næstu viku eru í sumardvölinni.

Þetta er í fjórða sinn sem boðið er upp á sumardvöl fyrir væntanlega grunnskólanemendur og hafa bæði foreldrar og börn verið hæstánægð með framtakið.

Grunnskólar í Kópavogi hefjast 22.ágúst. Dægradvölin er lokuð 21. ágúst til undirbúnings á vetrarstarfi.