Heiðruð fyrir 25 ár hjá Kópavogsbæ

Starfsfólk sem unnið hefur 25 ár hjá Kópavogsbæ var heiðrað við hátíðlega viðhöfn í Salnum fimmtudaginn 29.janúar.

Öll áttu það sameiginlegt að hafa náð aldarfjórðungi í starfi árið 2025 en sú venja hefur skapast hjá bænum að heiðra fólk í ársbyrjun fyrir 25 ára starfsafmæli árið á undan.

Bæjarstjóri Kópavogs, Ásdís Kristjánsdóttir, ávarpaði gesti og rifjaði meðal annars upp hversu mikið bærinn hefur breyst og vaxið frá árinu 2000 þegar fólkið hóf störf fyrir Kópavogsbæ.

„Kópavogsbær er heppinn að hafa stóran hóp af fólki í vinnu sem nær þeim áfanga að vera í 25 ár í starfi, með starfsreynslu skapast þekking sem er mikilvæg og verðmæt stofnunum okkar. 25 ár eru drjúgur hluti af starfsævinni og ánægjulegt þegar fólk kýs að vera hjá sama vinnuveitanda svo langan tíma,“ sagði Ásdís þegar hún þakkaði starfsfólki fyrir framlag sitt til Kópavogsbæjar.

Sem þakklætisvott fyrir góð störf fær starfsfólk mynd eftir Gerði Helgadóttur, Tillaga að mósaíkmynd, gvassverk frá árinu 1972.

23 fengu viðurkenninguna og eru kennarar fjölmennasti hópurinn en einnig fengu viðurkenningu starfsfólk leik- og grunnskóla, Þjónustumiðstöðvar, Kópavogsvallar og Þjónustuskrifstofu.

Nöfn og vinnustaður þeirra sem fengu viðurkenningu:

Hallgrímur Geir Gylfason grunnskólakennari, Álfhólsskóli

Ingibjörg Jóhannesdóttir deildarstjóri, Álfhólsskóli

Svanfríður Sigurþórsdóttir grunnskólakennari, Álfhólsskóli

Sigríður Kristrún Andrésdóttir grunnskólakennari,Hörðuvallaskóli

Birna Björnsdóttir grunnskólakennari, Kópavogsskóli

Davíð Ketilsson grunnskólakennari, Lindaskóli

Nanna Þóra Jónsdóttir grunnskólakennari Lindaskóli

Valgerður E.Andrésdóttir skólaritari, Lindaskóli

Magnús Orri Sæmundsson grunnskólakennari, Smáraskóli

Þorbjörg Kristjánsdóttir grunnskólakennari , Smáraskóli

Agnes Jóhannsdóttir deildarstjóri, Snælandsskóli

Gunnlaug Hannesdóttir grunnskólakennari, Snælandsskóli

Kristín Pétursdóttir deildarstjóri, Snælandsskóli

Aðalheiður Jóhannsdóttir grunnskólakennari, Snælandsskóla

Kirstín L. Þorstensdóttir deildarstjóri, leikskólinn Álfaheiði

Sigríður Gunnarsdóttir deildarstjóri, leikskólinn Dalur

Margrét Blowers starfsmaður á leikskóla, leikskólinn Lækur

Sigurlína Björg Hauksdóttir leikskólasérkennari, leikskólinn Marbakki

Anna Jóhanna Sigurjónsdóttir starfsmaður á leikskóla, leikskólinn Urðarhóll

Jón Halldór Finnsson tónlistarkennari, Skólahljómsveit Kópavogs

Ólafur Þórður Þórðarson rekstrar- og öryggisstjóri, Skrifstofa þjónustu - UT

Stefán Gunnarsson flokkstjóri, Þjónustumiðstöð

Ómar Stefánsson forstöðumaður, Kópavogsvöllur