Miðbær Kópavogs

Nú stendur yfir kynning á vinnslutillögu að breyttu skipulagi á miðbæjarsvæði Hamraborgar nánar tiltekið á svonefndum Fannborgarreit og Traðarreit vestur.

Frestur til að skila inn athugasemdum er til miðvikudagsins 29.apríl næstkomandi og má senda þær á netfangið skipulag (hja) kopavogur.is.

Stefnt er að því að vinnslutillagan og þær athugasemdir og ábendingar sem bárust á kynningartímanum verði teknar til umfjöllunar á fundi skipulagsráðs 4. maí næstkomandi.

Að þeirri umfjöllun lokinni hefst vinna að gerð skipulagstillögu fyrir svæðið. Þegar henni er lokið og hún hlotið samþykki bæjaryfirvalda þá fer hún í kynningarferli að nýju samkvæmt lögum.

Öll gögn vinnslutillögunnar er að finna á vefsíðu bæjarins, meðal annars kynningarfund þar sem farið er ítarlega yfir tillöguna.

Íbúar og aðrir hagsmunaaðilar eru hvattir til að kynna sér gögnin sem finna má á vefsíðunni. 

Kynningarfundur - upptaka

Gögn og yfirlit yfir skipulag í kynningu hjá Kópavogsbæ