Öll tæki úti í snjómokstri

Götur hreinsaðar 19.desember 2022.
Götur hreinsaðar 19.desember 2022.

Öll snjómoksturstæki eru úti núna og er bæði verið að moka götur og stíga og hófst mokstur kl 04.00 í morgun. Vel gekk eftir aðstæðum um helgina. Öll tæki, 20 talsins, voru úti bæði laugardag og sunnudag, á laugardag frá kl. 04.00 og á sunnudegi frá 05.00.

Fjölmargar ábendingar hafa borist frá íbúum, unnið er eftir ákveðinni áætlun sem hægt er að nálgast á vef bæjarins. Í forgangi eru stofn- og tengibrautir og hjólastígar. Hreinsun íbúagatna er hafin en það mun taka nokkra daga að fara inn í allar götur bæjarins.

Á vefnum er hægt að nálgast upplýsingar um vetrarþjónustu í Kópavogi, sjá snjómokstu og hálkuvarnir 
Á kortavef Kópavogs, er hægt að nálgast kort af vetrarþjónustuleiðum með að velja í valglugga -þjónusta->vetrarþjónusta og svo haka í viðeigandi reiti yfir hvaða leiðir óskað er eftir að sjá.

Vakin er athygli á reitnum -framvinda vetrarþjónustu þar sem hægt er að sjá hvaða leiðir hafa verið ruddar síðustu 6 klukkustundirnar.

Ekki eru allir stígar ruddir eða hálkuvarðir heldur einungis þeir sem metnir eru fjölfarnir eru mikilvægir.