Sorphirða um jólin

Sorphirða í Kópavogi.
Sorphirða í Kópavogi.

Stefnt er að því að sorp verði tæmt að mestu fyrir hátíðarnar. Unnið verður við sorphirðu í Kópavogi laugardaginn 23.desember til að ná því markmiði.

Minnt er á að ef snjóar eru íbúar beðnir um að moka vel frá sorpgeymslum og hálkuverja, það flýtir fyrir sorphirðu.

Bláu tunnurnar eru fyrir plast og pappír, gráu fyrir almennt sorp.

Gráar tunnur í eftri byggðum verða tæmdar milli jóla og nýárs.

Bláar tunnur verða tæmdar milli jóla og nýárs í Kársnesi og Smárum ásamt þeim hluta sunnan Álfhólsvegar sem ekki verður tekin fyrir jól.

Opnunartíma Sorpu er að finna á vefsíðu Sorpu, þangað má fara með allar tegundir úrgangs ef þörf krefur.