Sópun gatna og stíga

 Sópun gatna og stíga í Kópavogi er hafin. Byrjað er á umhverfi menningarhúsa við Hamraborg og Hamraborgarsvæði, svæðinu í kringum sundlaugar bæjarins og hjólastígum. Stefnt er að því að þessum áfanga ljúki í þessari viku.

Þá er farið jafnt og þétt yfir allar helstu leiðir á götum og stígum, tengibrautir, safngötur og stíga sem eru í forgangi. Hjólastígar og stígar í forgangi eru þeir sömu og eru í forgangi í snjómokstri. Stefnt er að því að þessum áfanga verði lokið fyrir 1. maí.

Grunnskólalóðir eru hreinsaðar í dymbilviku þegar skólar eru lokaðir.

Húsagötur og stígar sem eru ekki í forgangi verða hreinsaðar fyrir 1. júní. Unnið er að sópun alla daga sem veður leyfir.