Fréttir & tilkynningar

Dagur Kári Ólafsson fimleikamaður úr Gerplu og Birta Georgsdóttir knattspyrnukona úr Breiðabliki voru kjörin íþróttakarl og íþróttakona Kópavogs fyrir árið 2025.

Íþróttahátíð Kópavogs fer fram í Salnum, fimmtudaginn 8. janúar 2025 og hefst klukkan kl. 17:30. Streymt er frá hátíðinni.

Stafræn útgáfa skóladagatala fyrir alla leik- og grunnskóla og frístundastarf í Kópavogi er nú aðgengileg og geta foreldrar, forsjáraðilar og starfsfólk sótt dagatölin með einföldum hætti og þannig fengið yfirlit yfir helstu viðburði skólaársins, starfsdaga og leyfi.

Það er hátíð í bæ í Múlalind 1 þar sem hjónin Sigríður Stefánsdóttir og Jóhann Sævarsson skreyta húsið sitt hátt og lágt svo eftir er tekið. Þau segja jólahúsið eitt allsherjar ævintýr sem geymi líf þeirra á svo fallegan hátt en þar hafa þau gift sig, eignast jólabarn og fundið rómantískar leynigjafir.

Aðalsafn Bókasafns Kópavogs í Hamraborg og Náttúrusafn verða lokuð dagana 5. til 19. janúar næstkomandi.

Settir verða upp gámar á fimm stöðum í Kópavogi fyrir flugeldarusl, líkt og áður. Á sömu stöðum verða settir upp gámar fyrir jólatré.

Svanhildur Sif Haraldsdóttir var í dag heiðruð fyrir óeigingjarnt og ómetanlegt framlag í þágu barna og fjölskyldna í Kópavogsbæ. Svanhildur hefur undanfarin 25 ár tileinkað líf sitt því að vera til staðar fyrir börn í vanda. Hún hefur undanfarin 10 ár rekið vistheimili fyrir barnaverndarþjónustu Kópavogs á heimili sínu. Þar geta börn dvalið hjá henni í lengri og skemmri tíma á meðan unnið er að bættum aðstæðum á heimili þeirra en Svanhildur er einstaklega hlý og gefandi.

Niðurstöður hraðamælinga í Kópavogi hafa verið gerðar aðgengilegar í korti sem sýnir meðal annars meðalhraða, fjölda bíla og stöðu aðgerða.

Desember er tími samveru með fjölskyldu og vinum. Kópavogsbær fer í sparibúning og lýsir upp skammdegið með jólaskreytingum vítt og breitt um bæinn. Á þessum tíma nýta margir tækifærið til að líta yfir árið sem er að líða og huga að því sem er fram undan.

Framkvæmdum við endurbættan göngu- og hjólastíg á sunnanverðum Kópavogshálsi á milli Kópavogstún og Kópavogsbrautar er að mestu lokið og er stígurinn opinn á ný fyrir vegfarendur frá og með deginum í dag, 22.desember. Jafnframt hefur biðstöð strætó við Hafnarfjarðarveg verið opnuð að nýju.