Fréttir & tilkynningar

Félag kvenna í Kópavogi og Bókasafn Kópavogs taka höndum saman í viku einmanaleikans og bjóða upp á fræðslu og spjall þann 7. október næstkomandi kl. 17:00-19:00.

September sló öll aðsóknarmet á Bókasafni Kópavogs og Náttúrufræðistofu Kópavogs. Aldrei í sögu safnanna hafa fleiri gestir sótt söfnin í sama mánuðinum, en samtals 21.044 gestir komu í hús í báðum útibúum bókasafnsins og á Náttúrufræðistofu Kópavogs sem deilir húsnæði með aðalsafni Bókasafns Kópavogs.

Auglýst er eftir ljóðum í ljóðasamkeppninni Ljóðstafur Jóns úr Vör. Skilafrestur er til 5. nóvember.

Bókasafn Kópavogs stendur í haust fyrir erindaröðinni Bókasafn gegn upplýsingaóreiðu.

Miðvikudaginn 1. október verður Forvarnardagurinn haldinn hátíðlegur í tuttugasta sinn í grunnskólum landsins og í fimmtánda sinn í framhaldsskólum.

Efnt var til fræðslugöngu um Trjásafnið í Kópavogi 15.september síðastliðinn í tilefni 70 ára afmælis bæjarins og var gangan samstarfsverkefni Kópavogsbæjar og Sögufélags Kópavogs. Friðrik Baldursson garðyrkjustjóri leiddi gönguna en naut stuðnings félaga úr Sögufélaginu við sögulegan fróðleik um byggð í grennd við Trjásafnið sem er austast í Fossvogsdal.

Frá og með 1. október verður hægt að bóka viðtalstíma hjá byggingarfulltrúa rafrænt í gegnum bókunarkerfið Bookings á vefsíðu Kópavogsbæjar.

Menningar- og mannlífsnefnd Kópavogsbæjar auglýsir eftir umsóknum um styrki úr sjóði nefndarinnar. Markmiðið er að efla og auðga menningar- og mannlíf bæjarins með viðburðum sem fela í sér nýsköpun og stuðla að aðgengi sem flestra. Við hvetjum einstaklinga, listhópa, félagasamtök, fyrirtæki og stofnanir á sviði lista, hönnunar eða arkitektúrs til að sækja um.

Kópavogur tekur þátt í Íþróttaviku Evrópu í ár eins og undanfarin ár. Boðið er upp á viðburði af fjölbreyttum toga í vikunni, og ættu öll að finna eitthvað við sitt hæfi.

Kópavogsbær stóð þann 18. september að vinnustofu í samstarfi við Lögregluna á höfuðborgarsvæðinu með það að leiðarljósi að stuðla að þverfaglegu samstarfi og efla stuðning við börn í viðkvæmri stöðu.