Fréttir & tilkynningar

Hægt er að sækja sér ókeypis moltu víða á höfuðborgarsvæðinu til 7.júní næstkomandi.

Beiðni um að áfrýja dómi Landsréttar í Vatnsendamáli var í dag synjað af Hæstarétti. Það þýðir að Vatnsendamáli er endanlega lokið og eru engin mál nú fyrir dómsstólum sem tengjast eignarnámi Kópavogsbæjar í Vatnsenda.

Hinn 28. maí 2018 var Kópavogsbæ birt stefna af hálfu Þorsteins heitins Hjaltested, þáverandi ábúanda jarðarinnar Vatnsenda í Kópavogi. Í málinu krafðist stefnandi þess að Kópavogsbær greiddi honum viðbótar eignarnámsbætur vegna eignarnáms bæjarins á landi úr Vatnsenda árið 2007.

Opnað hefur verið fyrir umsóknir í Vinnuskóla Kópavogs. Allir unglingar sem búsettir eru í Kópavogi og verða fjórtán til sautján ára á árinu fá vinnu í Vinnuskólanum. Boðið er upp á þá nýbreytni að þessu sinni, til hagræðingar fyrir nemendur, að allir geta valið sér vinnutímabil. Umsóknarfrestur er til 15. maí.

Opnað hefur verið fyrir tilboð í lóðir í þriðja og síðasta áfanga í Vatnsendahvarfi. Í þriðja áfanga verður úthlutað lóðum fyrir einbýlishús, parhús, raðhús og fjölbýli. Hægt er að skila inn tilboðum í fimm vikur, frá 3. apríl til 8.maí í gegnum útboðsvef Kópavogsbæjar, Tendsign.is.

Nýr íbúðakjarni fyrir fatlað fólk í Kópavogi er langt kominn rúmu ári eftir skóflustungu.

Sorpa bs. og Samtök sveitarfélaga á höfuðborgarsvæðinu hlutu Teninginn, viðurkenningu Verkfræðingafélags Íslands fyrir framúrskarandi verkefni eða framkvæmd, fyrir samræmt flokkunarkerfi úrgangs á höfuðborgarsvæðinu. Teningurinn var afhentur á Degi verkfræðinnar á Hótel Nordica í dag, föstudaginn 28. mars.

Lokahátíð Stóru upplestrarkeppninnar í Kópavogi fór fram í Salnum miðvikudaginn 26. mars. Þar öttu kappi 18 nemendur úr níu grunnskólum bæjarins, og sigraði Patrekur Leó Unnarsson frá Salaskóla keppnina. Í öðru sæti var Emma Guðrún Árnadóttir úr Vatnsendaskóla, og í þriðja sæti hafnaði Margrét Fjóla Erlingsdóttir frá Smáraskóla.

Börn úr öllum skólum í Kópavogi komu saman á árlegu Barnaþingi. Hver skóli sendi þrjá til fjóra fulltrúa auk fulltrúa ungmennaráðs þannig að um 40 börn voru saman komin til að ræða tillögur barna í Kópavogi.

Sérfræðingar Kópavogsbæjar kynntu notkun Kópavogsbæjar á mælaborði til þess að forgangsraða verkefnum og fjármagni í þágu barna og ungmenna á ráðstefnu Planet Youth sem haldin var 19.mars.