Fréttir & tilkynningar

Miðvikudaginn 20. ágúst frá kl. 9:00 til 15:00 verða akreinar til austurs á Fífuhvammsvegi lokaðar.

Vigdís Jakobsdóttir hefur verið ráðin verkefna – og viðburðastjóri menningarmála í Kópavogi.

Opið hús um breytingu á deiliskipulagi Hörðuvalla fyrir keppnisvöll HK norðan við Kórinn verður þriðjudaginn 26. ágúst nk. milli kl. 16:30 og 18:00 í veislusal HK í Kórnum að Vallakór 12-14.

Strætó mun stórauka þjónustu sína en frá og með 17. ágúst 2025 verður umfangsmikil þjónustuaukning í almenningssamgöngum á höfuðborgarsvæðinu.

Aðsókn í menningarhúsin í Kópavogi jókst verulega í sumar samanborið við síðasta sumar. Aukninguna má meðal annars rekja til vel heppnaðra breytinga á menningarmiðju Kópavogs vorið 2024, sem hefur slegið í gegn.

Dagana 11.–13. ágúst tóku kennarar í grunnskólum Kópavogs þátt í Í startholunum 2025 – árlegum starfsþróunardögum sem marka upphaf skólaársins. Dagskráin fór fram í Vatnsendaskóla þar sem boðið var upp á fjölbreytt námskeið sem höfðu það að markmiði að efla faglega færni, deila góðum aðferðum og styðja kennara í starfi fyrir komandi starfsár.

Tveir glænýir skúlptúrar prýða nú Hálsatorgið í Hamraborg. Hægt er að virða þá fyrir sér úr fjarlægð en þá má líka snerta og sitja á. Skúlptúrarnir eru bekkir gerðir úr byggingarúrgangi ýmis staðar frá í Kópavogi.

Sumarfrístundin hefst mánudag 11. ágúst í ár 2025 en hún er fyrir verðandi nemendur í 1. bekk. Sumardvöl frístundar er skipulögð í anda þeirrar stefnu að skapa bætta samfellu á milli skólastiga.

Í tilefni Hinsegin daga var regnboginn í Kópavogi endurnýjaður og lengdur. Þannig er hann sýnilegri en áður frá Kópavogshálsinum, gangandi og akandi til ánægju.

Vegglistahópur á vegum Skapandi Sumarstarfa í Kópavogi hefur unnið hörðum höndum í sumar við að skreyta veggi bæjarins, líkt og fyrri ár, en starfi þeirra lauk í lok júlí.