Fréttir & tilkynningar

Lokahátíð Stóru upplestrarkeppninnar í Kópavogi fór fram í Salnum miðvikudaginn 26. mars. Þar öttu kappi 18 nemendur úr níu grunnskólum bæjarins, og sigraði Patrekur Leó Unnarsson frá Salaskóla keppnina. Í öðru sæti var Emma Guðrún Árnadóttir úr Vatnsendaskóla, og í þriðja sæti hafnaði Margrét Fjóla Erlingsdóttir frá Smáraskóla.

Börn úr öllum skólum í Kópavogi komu saman á árlegu Barnaþingi. Hver skóli sendi þrjá til fjóra fulltrúa auk fulltrúa ungmennaráðs þannig að um 40 börn voru saman komin til að ræða tillögur barna í Kópavogi.

Sérfræðingar Kópavogsbæjar kynntu notkun Kópavogsbæjar á mælaborði til þess að forgangsraða verkefnum og fjármagni í þágu barna og ungmenna á ráðstefnu Planet Youth sem haldin var 19.mars.

Í tilefni 70 ára afmælis Kópavogsbæjar fá allir íbúar, 18 ára og eldri, menningargjöf að andvirði 3.000 krónur.

Vegna framkvæmda Kópavogsbæjar verður Fífuhvammsvegur þveraður á þriðjudag, 18. Mars 2025.

Loka þarf fyrir kalt vatn í Kópavogi frá klukkan 22.00 þann 20.mars til 04.00. Sundlaugar loka 21.30 vegna þessa.

Kópavogsvogsbær, sem fagnar 70 ára afmæli á árinu og Össur Geirsson heiðurslistamaður Kópavogs bjóða til stórtónleika með Skólahljómsveit Kópavogs þar sem flutt verða verk frá 30 ára ferli Össurar. Tónleikarnir eru í Norðurljósasal Hörpu kl. 17:00 sunnudaginn 16. mars.

Þrjár nýjar stjórnunarstöður eru lausar til umsóknar hjá Kópavogsbæ, áhættu- og fjárstýringarstjóri, umbóta- og þróunarstjóri og þjónustustjóri.

Lögð voru fram 680 tilboð frá 62 aðilum í byggingarrétt lóða í Vatnsendahvarfi í nýafstöðnu útboði. Opið var fyrir tilboð í lóðir frá 23. janúar til 20. febrúar og voru í þessum áfanga í boði lóðir fyrir einbýlishús, parhús, klasahús og fjölbýli.

Vegna mistaka fóru út rangir reikningar vegna húsaleigu frá Kópavogsbæ og vantaði upplýsingar um húsnæðisbætur.