Fréttir & tilkynningar

Heimar hafa lokið að fara yfir hugmyndir sem bárust í samkeppni um hönnun nýrrar menningarmiðstöðvar í Smáralind. Að loknu mati á innsendum tillögum varð tillaga BASALT arkitekta valin til áframhaldandi þróunar verkefnisins.

Ásdís Kristjánsdóttir, bæjarstjóri Kópavogs, Almar Guðmundsson, bæjarstjóri Garðabæjar og Halldór Victorsson, formaður Spretts, skrifuðu undir viljayfirlýsingu um byggingu félagshesthús og skólastofu miðvikudaginn 29.apríl.

Nám- og starfsumhverfi sem styður öryggi og vellíðan er heiti nýrrar viðbragðsáætlunar sem samþykkt var í menntaráði Kópavogs 17.mars síðastliðinn. Markmið áætlunarinnar er að styrkja heilbrigt og faglegt skólaumhverfi sem byggir á öryggi, trausti og virðingu fyrir nemendum og starfsfólki.

Níunda Kópavogssagan er komin í loftið en það er Inga Bríet Valberg, nemandi í 7. bekk í Snælandsskóla sem er viðmælandinn.

Götuganga Virkni og Vellíðan verður haldin þriðjudaginn 12. maí næstkomandi klukkan 13:00 í Kópavogi. Um er að ræða vinsælan íþrótta- og heilsueflingarviðburð fyrir 60 ára og eldri sem nú fer fram í fjórða sinn.

Miðvikudaginn 29. apríl frá kl. 9:00 til um það bil 15:00 er áætlað að endurnýja malbik á Kópavogsbraut á milli Sunnuhlíðar og Skjólbrautar ef veður leyfir. Lokað verður fyrir umferð við hringtorg á Kópavogsbraut við Sunnuhlíð og á gatnamótum Kópavogsbrautar og Skjólbrautar.

Vorhreinsun í Kópavogi fer fram dagana 30.apríl til 19.maí. Þá daga verða settir upp opnir gámar fyrir garðaúrgang á fimm stöðum í Kópavogi sem verða aðgengilegir 30. apríl til 19. maí.

Nú er kominn í loftið nýr þjónustuvefur, fristund.is, sem auðveldar íbúum að finna upplýsingar um íþróttir, námskeið og annað skipulagt frístundastarf fyrir börn, ungmenni og fullorðna. Á vefnum má sjá allt framboð frístundastarfs á einum stað, flokkað eftir aldri og staðsetningu, með einfaldri leit og skýrum upplýsingum.

Þorgeir Guðmundsson, íbúi í Kópavogi, fundaði með Ásdísi Kristjánsdóttur bæjarstjóra á dögunum en svo skemmtilega vill til að Þorgeir er gestur númer 550 síðan Ásdís tók við sem bæjarstjóri.

Í dag komu út tvær skýrslur um langtímahættumat vegna hraunvár á Reykjanesskaga, en þær eru hluti af umfangsmiklu verkefni Veðurstofunnar í að meta heildstætt eldfjallavá á öllum Reykjanesskaganum.